Nakadawat sa farm inputs ang 95 ka mga mag uuma sa syudad sa Butuan gikan sa lokal nga panggamhanan sa Butuan pinaagi sa City Agriculture Office uban ni City Councilor Arturo Gado. Gilangkuban kini sa 10 units power sprayer, 90 kabuok nga plastic drums, 50 kabuok nga plastic crates, 70 kilos nga assorted vegetable seeds. Sumala sa mga mag-uuma nasulbad ang ilang problema sa kakulangon sa magamit nga farm inputs tungod sa walay puas nga suporta gikan sa gobyerno. Nahatag ang mga farm inputs sa mga mag-uuma sa syudad sa tabang sa Department of Agriculture pinaagi sa High Value Crop Development Program. Kini gumikan sa hugot nga partnership sa LGU Butuan pinaagi ni Mayor Ronnie Vicente Lagnada alang sa pagpausbaw sa vegetable production. Subay niini nga kalihokan nakahigayon sab si City Councilor Arturo Gado sa pakigpulong sa mga mag-uuma ug gidasig niini nga mas pahugtan pa ang pagbaton o pamaaging organiko nga panguma aron makasigurong luwas kaonon ang mga utanon sa kamerkaduhan apil na ang paghatag og importansya sa soil fertility. Mipasalig sab ang opisyal nga anaa kanunay ang city government sa Butuan andam musuporta sa tanang mag-uuma sa syudad aron makab-ot ang tinguhang pagpadako sa agrikulturang produkto sa syudad sa Butuan asa pwedeng makakompetensya sa ubang dapit.