Gipahigayon ang Pre-Registration Seminar sa duha ka transport association nga BARATODA ug VIKMODA sa Barangay Bayanihan function hall ning syudad kaganinang buntag. Ang seminar gihimu human midesisyonan ang duha ka transport association nga maghiusa ug magporma og usa ka kooperatiba. Tumong sa aktibidad nga hatagan og igo ug saktong impormasyon ang mga miyembro kalabot na sa pag organisa og kooperatiba ug ang mga benepisyo niini. Gibuhat sa CDA ug CEBDD ang inisyatibo aron awhagon ang mga asosasyon sa syudad nga ma rehistro sa kooperatiba aron makabenipisyo sa mga serbisyo lakip na sa mga assistance nga ihatag gikan sa gobyerno. Ang seminar usa sa lakang sa pag proseso sa pagparehistro isip kooperatiba. Gipangunahan ang aktibdad sa Cooperative Development Authority kun CDA kauban ang City Enterprise and Businesses Development Department kun CEBDD.