Gipahigayon ang Pre-registration Seminar alang sa mga asosasyon sa syudad sa Butuan sa J.C. Aquino Multi-Purpose Building, Sports Complex, Barangay Libertad ning syudad, Oktobre 9. Ang Pre-registration Seminar alang sa mga nag plano nga mahimong kooperatiba. Lima ka asosasyon nisalmot sa aktibidad kauban ang ilang mga opisyales ug mga miyembro. Naka sentro ang aktibidad sa pagpasabot sa importansya nganong kinahanglan ipahigayon ang Pre-registration seminar. Usa sab sa nahisgutan ang kasaysayan sa kooperatiba, kinatibuk-ang mandato niini sa komunidad ug ang pipila ka mga balaod nga nag suporta sa mga kooperatiba. Aktibong nipartisipar ang mga partisipante pinaagi sa pag tubag sa mga pangutana sa speaker. Ang pre-registration seminar usa ka lakang aron magiyahan ang mga asosasyon kung unsay proseso para mahimong kooperatiba, masayran ang ilang papel ug ilang responsibilidad isip opisyal ug miyembro para molungtad kini sa madugay.