Nanguna ang City Business Permits and Licensing Department kon CBPLD sa pagpahigayon sa Pre-Planning Activity para na sa 2026 Business One-Stop Shop kon BOSS kauban ang mga co-located offices, karong adlawa. Gihisgutan sa aktibidad ang mga pamaagi sa pagpauswag sa sistema, proseso, ug koordinasyon aron mas mapadali, mas mapalambo, ug mas mapaayo pa ang serbisyo ngadto sa publiko. Ang kalihukan nagtinguha sa pag kab-ot sa mas epektibo ug organisado nga BOSS. Usa usab kini ka paagi aron magkahiusa ang mga ahensya ug opisina sa pagpangandam atol na sa umaabot nga BOSS, sunod tuig. Gilauman nga ang kolaborasyon sa tanang opisina ug ahensya moresulta sa mas episyente ug dali nga proseso sa pagkuha og business permits sa mga nanag-iya og patigayon sa syudad.