Mipaabot sa dakung pasalamat ang mga opisyales sa Barangay Tungao ning syudad sa tanang opisyales sa gobyerno nga nagpaluyo aron modagsa ang daghang kalambuan sa barangay ilabina ang proyektong imprastraktura. Kini human natigayon ang Pre-Construction Meeting sa pagpanguna sa mga personahe sa Department of Public Works and Highways alang sa ipatumang mga proyekto sa barangay nga naglangkob sa Construction sa Covered Court with Bleachers, Road Concreting gikan Sitio TF 1 ug Purok 22-A ug final phase Road Concreting sa Lawaan Eco-Park. Samtang nagpasalamat sab ang Barangay Tungao sa Congressmans Office pinaagi kang Congressman Jose Aquino II sa Multi-Purpose Building o Senior Citizens Building nga karon gisugdan na ang konstruksyon.