Gikalipay sa mga Department Head sa City Housing and Development Office, City Civil Registrar’s Office, CSWDO, CHO, BMC ug City Education Development Department ang hugot nga suporta sa mga partners gikan sa pipila ka Punong Barangay ug mga representante sa Civil Society Organizations sa syudad sa Butuan sa pondo nga giendorso subay sa nakahan-ay nga programa ug proyekto sa AIP tuig 2024. Kini human sa malampusong napahigayon nga presentasyon sa Annual Investment Program 2024 sa nasangpit nga mga buhatan sa city government sa Butuan ubos sa Social Development Sector sa Butuan City Development Council 2nd quarter Sectoral Committee Meeting sa pagpanguna sa City Planning and Development Office. Nag-indorso og pondo ang Butuan Medical Center alang sa upgrading sa hospital asa lakip niini ang mga bag-ong ekipo, paghire og mga espesyalistang doctor, ug uban pang manpower ug ingon man ang pagpalit og mga medisina. Samtang ang City Education Development Department nag endorso og pondo lakip na niini ang national budget gikan sa DepEd alang sa pagpalapad sa mga programa sa edukasyon apil na ang mga bag-ong mga gambalay. Nanghinaut usab ang sector sa social development nga maaprobahan ang gidusong pondo sa Butuan City Development Council Full Council Meeting nga pangunahan ni Mayor Ronnie Vicente Lagnada karong umaabot Hunyo 27 ning tuig sa Watergate Convention.