Mi-agi sa makuting pagsusi ang gidusong pondo sa AIP 2024 sa Infrastructure Development Sector sa natigayong Butuan City Development Council 2nd Quarter Sectoral Committee Meeting. Admitado ang Infrastructure Development Sector nga daku ang gikinahanglan nilang pondo alang sa pagpadayon sa nagkadaiyang proyektong gipatuman sa city government sa Butuan pinaagi ni Mayor Ronnie Vicente Lagnada. Ang Butuan City Development Council 2nd Quarter Sectoral Committee Meeting gipangunahan sa City Planning and Development Office uban ni Chairperson BCDC Infrastructure Sector Liga ng mga Barangay President Gemma Tabada, Civil Society Organizations ug pipila sa mga Punong Barangay sa syudad sa Butuan. Ang mga buhatan sa city government sa Butuan ilawom sa infrastructure sector naglangkob sa City Engineers Office CEO, Office of the City Building Official OCBO, City Transportation and Traffic Management Department CTTMD ug City Information and Communications Technology Office CICTO. Dako-dako ang pondo nga gikinahanglan sa sektor sa imprastraktura hinungdan dunay mga pagduki-duki gikan sa mga partners ilabina ang problema sa baha, road gaps, updates sa on-going projects, transport sector ilabina ang pag adopt sa modernization, emergency operation center,data center, smart-traffic systems apan gumikan sa klaro ug tataw nga diskusyon nasabtan sa mga partners ang padulngan sa presentasyon. Naglaum ang komitiba sa infrastracture development sector nga maaprobahan kini sa Butuan City Development Council Full Council Meeting nga pangunahan ni Mayor Lagnada uban nila Congressman Jose Aquino II, Vice Mayor Lawrence Fortun ug SP members.