Gitutukan karon sa National Nutrition Council kon NNC Caraga ang preparasyon sa 2024 Monitoring and Evaluation for Local Level Plan Implementation Protocol kon MELLPI Pro atol sa gipahigayong regional nutrition evaluation team meeting miaging semana sa VCDU Prince Hotel, Barangay Imadejas, ning syudad. Gihisgutan sa meeting ang mahimong schedule sa ipahigayong MELLPI Pro evaluation karong Hunyo 10-11, 2024. Ang MELLPI Pro usa ka mekanismo nga magsukod sa nutrition program sa Local Government Units. Mipaabot sab ang NNC Caraga og technical assistance para na sa giandamang ebalwasyon. Ang MELLPI Pro ang mogiya sa palisiya sa mga serbisyo aron mas mahimong epektibo, episyente, ug sustainable ang nutritional services sa syudad. Andam na ang syudad sa pagpanguna ni Butuan City Mayor Ronnie Vicente Lagnada nga mahibaloan ang mga rekomendasyon ug suhestyon gikan sa mga evaluation team aron mapa usbaw ang implementasyon sa nutrition program sa syudad.