Subay sa pagsaulog sa 34th National Statistics Month gi ablihan na sa publiko ang Poster Making Contest ngadto na sa Junior ug Teen Category. Sa mga gusto muapil ilawom sa Junior Category mga batang nag edad 12 anyos paubos ug ang sa Teen Category ang mga kabataan nga nag edad 13 anyos hangtud 18 anyos. Kinahanglan nga residente sa Butuan City ug usa lang ka entry ang kinahanglan nga ipasa. Pahinumdom sa tanan gusto muapil nga dapat nag subay sa 34th National Statistics Month nga may temang "Accelerating Progress: Promoting Data and Statistics for Healthy Philippines". Ang obra kinahanglan adunay sukod nga 16.5 x 11.7 inches o pareho sa sukod sa A3 size bond paper. Kinahanglan lamang nga magpasa og picture sa poster; lakip sab picture sa poster kauban ang entry; pictures sa proseso sa pagbuhat sa poster; ug impormasyon sa partisipante (Name, Age, Address, ug Contact Number). Tanang obra kinahanglan nga nag gamit og traditional method. Ang obra sa Teen Category ipasa sa [email protected] ug sa mga Junior Category ipasa sa [email protected] ang ulahi nga mga magpasa dili na kini dawaton. Ang deadline sa submission mao karong Oktubre 20, 2023. Ang mga makadaug makadawat og: 1st Prize - 5,000 pesos 2nd Prize - 3,000 pesos 3rd Prize - 2,000 pesos Ang entries i-judge subay sa criteria: Creativity - 20% Originality - 20% Relevance - 30% Visual Impact - 30% Ang copyright sa winning entries ug ang right to use maadto sa Butuan City Statistics Committee nga adunay katungod sa pag modify sa winning entries, pag gamit niini sa public display ug pag produce niini sa managlahing promotional items without prior consent sa related participants. Ang nasangpit nga contest pamaagi aron mag promote, enhance and paghatag og awareness ug appreciation sa importansya ug value sa statistics sa matag sektor sa komunidad.