Gitangtang na sa lokal nga panggamhanan sa Butuan pinaagi sa City Building and Management Department kun CBMD ang posteng duol sa mga bangko ug ubang establisamento ning syudad sa Butuan nga dunay minor cracks. Samtang nakuha na sab ang dakung poste nga natumba sa may entrance sa usa ka subdibisyon sa syudad nga nahimung hinungdan sa pagkawala kadali sa signal sa internet ug linya sa kuryente miaging semana. Gihimu kini aron malikay ang tanan sa posibleng aksidente. Sa mga dunay susamang problema makigcoordinate lamang sa buhatan sa City Building Management Department aron maaksyunan. Nagpasalamat ang CBMD, Task Force Bantay Butuan kun TFBB sa ANECO ug mga partner telecommunication companies nga naglangkob sa MIRAIT, Globe ug Marstel PLDT nga daling mitabang aron matanggal ang poste.