Abli na sa publiko ang Positivity 3 Visual Arts and Exhibit sa Event Center sa SM City Butuan. Gisalmutan ang kalihukan sa kapin 63 ka mga artist ug kapin kun kulang 83 nga mga buhat sa Visual Arts ang apil sa exhibit. Sa mensahe nga gipaabot ni Michael Bacol, representante sa National Commission for Culture and the Arts Northeastern Mindanao alang sa mga artists nga magpadayon sila og buhat og mga obra nga maghatag mensahe lakip na ang kadasig sa mga sitwasyon sa katilingban. Isip usa ka visual artist daku kini og papel sa kabag-ohan sa kinabuhi sa tawo o kaha sa komunidad. Samtang sa mga artist, nga ipadayon ang paghimo sa mga masterpieces aron mabansay ang ilang kaugalingon. Padayon makahatag og balanse ug positibo nga kontribusyon sa komunidad. Ang Visual Arts and Exhibition subay sa selebrasyon sa National Arts Month ning bulana. Gipangunahan ang kalihukan sa Komitiba sa Sining Biswal sa Butuan City Council in Culture Heritage and Arts. Ang POSITIVITY 3 Visual Arts and Exhibit mo lungtad hangtud Marso 20, 2023.