Nagpadayon sa Stakeholder’s Consultation ang City Mayor’s Office pinaagi sa Tricycle Modernization Program - Project Management Office kon TMP-PMO. Kini aron tanan sektor mapahibalo ug makuhaan og igong mga rekomendasyon, komento, plano, ug komunikasyon aron ma plastar ang plano sa Tricycle Modernization Program kon TMP. Gani, miaging adlaw gikita sa mga personahe sa TMP-PMO ang mga media partners sa syudad aron mapasabot ug mapaklaro kanila ang mga angay mahibaloan kalabot na sa TMP ug matubag ang ilang mga pangutana nga mahimong tulay nga mapasibya sa kahanginan ang plano nga TMP sa syudad. Tumong sa TMP nga mahatag sa tanan ang public transportation system nga luwas, episyente, komportable, environment-friendly, ug economically-sustainable. Ang moderno nga tricycle adunay advance nga safety features niini. Tungod niini nga mga features makunhuran ang aksidente nga mahitabo. Hingpit ang kooperasyon nga gihatag sa mga media partners aron mas mapasabot pa sa tanan residente ang TMP. Ang TMP subay sa plano ni Butuan City Mayor Ronnie Vicente Lagnada nga mahimong Smart-Eco City ang syudad. Usa kini ka lakang aron mapatuman sa Butuan LGU nga palambuon pa ang tibuok nga tricycle transportation system sa dakbayan.