๐ฃ๐๐๐ก๐ก๐๐ ๐๐๐ง๐ฌ ๐๐ซ๐ง๐๐ก๐ฆ๐๐ข๐ก ๐ ๐๐ฆ๐ง๐๐ฅ ๐ฃ๐๐๐ก, ๐ฃ๐ข๐ฅ๐ ๐๐ ๐ก๐๐ก๐ ๐๐๐ง๐จ๐ฅ๐ก ๐ข๐ฉ๐๐ฅ ๐ฆ๐ ๐๐๐จ ๐๐จ๐ง๐จ๐๐ก
January 31 2025, Friday 10:28 AM
Pormal nang giturn over sa Department of Human Settlements and Urban Development (DHSUD) ang Butuan City Planned City Extension (PCE) Master Plan sa LGU Butuan nga gipahigayon sa City Mayors Conference Room 2 City Hall.
Gidawat ni Butuan City Mayor Ronnie Vicente Lagnada ang Master Plan gikan kang DHSUD Undersecretary Henry Yap isip representative ni DHSUD Secretary Jose Rizalino Acuzar.
Sumala ni Usec.Yap ang PCE Master Plan nagpakita sa daghang kalambuan nga muabot sa Butuan City. Usa sab kini ka giya alang sa malahutayon ug inklusibong syudad asa makatubag sa mga hagit sa urban development ug kalamidad.
Namugna ang plano gumikan sa lig-on nga partnership ug shared vision sa local ug national stakeholders asa nagkahiusa sa tinguha nga mosubay kini sa Butuan City Comprehensive Economic Development Plan ug inisyatibo sa DHSUD aron hingpit nang mapatuman ang New Towns Center ug Planned Unit Developments.
Nagpasalamat si Mayor Ronnie Vicente Lagnada sa tanang suporta sa mga partners labi na sa DHSUD aron hingpit nang matubag ang panginahanglan sa mga Butuanong makabaton sa kalidad nga urban development labi na sa hisgutanang housing projects ug uban pang infrastructure projects ug malungtarong economic development.
โThis whole master plan is to develop University Town and Special Economic Zones for Agro-Industrial sector since Caraga Region was identified as agro-industrial producing or economic area in the Philippines.โtipik sa mensahe ni Mayor RCL.
Nagtuo sab si Mayor RCL nga sa umaabot nga lima hangtud napulo ka tuig makabaton na niini nga proyekto ang Butuan City pinaagi sa tabang sa mga partner agencies ug stakeholders.
Gipangunahan ang turnover ceremony sa City Planning and Development Department nga gitambungan ni DHSUD Regional Director Cristie Y. Reyes, DHSUD Assistant Regional Director Paris Raymond Gaballo, City Councilor Rey Desiata, Committee Chairperson sa Urban Planning ug Human Settlements ug pipila sa mga department head sa LGU Butuan.
NEWS ARTICLES