Gipailawom sa upat ka adlaw nga Orientation and Initial Allocation of Library Resources ang pito ka barangay sa Butuan City sa National Library of the Philippines human sila napiling Newly Affiliated Public Libraries kun NLP. Kini gilangkuban sa Barangay San Mateo, Pigdaulan, Don Francisco, Basag, Dankias, Rajah Soliman ug Mandamo nga girepresentahan mismo sa ilang matag Punong Barangay. Sumala ni Butuan City Public Library OIC Jessica Clarito, mopauli sa syudad sa Butuan ang mga punong barangay nga bitbit na ang 1 Computer Set ug mga libro gikan mismo sa NLP. Sumala usab ni Don Francisco Punong Barangay Jasper Gallentes usa kini sa dakung prebilihiyo sa usa ka barangay nga makabaton og computer set ug mga libro nga ibutang sa barangay library tungod duna nay laing access ang mga kabataan pinaagi sa pagbasa og libro ug dili na mahurot ang oras sa gadgets. Mapasalamaton sab ang mga punong barangay sa Butuan City Public Library nga nagpaluyo sa programa alang sa kaayuhan sa mga kabataan sa barangay asa gipromote niini nga batasanon ang pagbasa og libro tungod dunay dakong kalainan ang makat-onan sa pagbasa kay sa pagamit sa bag-ong teknolohiya.