Gibisita ni Department of Education Undersecretary Epimaco Densing III ang pipila ka mga tulunghaan sa Butuan City kaganinang buntag. Kini aron masusi ang lugar para sa pagtukod og mga bag-ong school buildings ug uban pang pasilidad alang sa pagpalambo sa edukasyon sa syudad. Nabisitahan ang Ambago Integrated Secondary School, bag-ong school site sa Barangay Doongan, Ongyiu Elementary School, Maon Integrated School, Mahay Integrated School, ug BCSAT sa Barangay Taguibo alang sa itukod nga gymnasium, dormitory ug uban pang pasilidad. Nabisitahan sab ang Baan Riverside Integrated School diin planong maghimo og bag-ong school site alang niini tungod ang maong tulunghaan nabutang sa flood zone, Agusan National High School ug Bancasi Integrated Secondary School. “ I’m looking at the possibility of having a DepEd policy that the priority for school buildings, where students are still being taught in make-shift areas in temporary learning school or even open spaces. So the target is to ensure the students are taught inside the classroom, so mao ng prevalent sa Butuan nga nakita nako and some areas,” sumala ni DepEd Usec Epimaco Densing III. “Second to anticipate is the infrastructure requirement and again the limitation here is the budget. So it is really a matter of prioritizing and more importantly partnership with other groups including the local government units and I'm very happy that in Butuan City, Mayor Lagnada was very clear in anticipating the infrastructure requirements and what the school system or education system in Butuan will be. I think Butuan City will end up to become one of the centers of education system in the whole region kay daghan man ang gikan sa laing LGU nga diri mag eskwela and nakita nako ang plano nga gihimo ni Mayor Lagnada and I appreciate really the forward-looking strategy.”dugang pamahayag ni Usec Epimaco Densing. Sa tuig 2023 duna nay naaprobahan nga pondo alang sa syudad sa Butuan ug kini mabutang sa mga tulunghaan nga prayoridad subay usab sa direktiba ug plano ni Mayor Ronnie Vicente Lagnada. Tungod niini, personal usab nga nakahigayon sa pagpadungog ang mga school principal apil si Baan Riverside Punong Barangay Yul Liza Corvera sa nag-unang problema sa mga tulunghaan kang Usec Densing . Nakita nga ang maong mga tulunghaan nagkinahanglan sa dakung pagtagad ug prayoridad hinungdan isa kini sa gipatutukan ni Mayor Ronnie Vicente Lagnada uban ni Butuan-Agusan del Norte 1st District Congressman Jose Aquino II. Nagpasalamat sab si Usec Densing kang Congressman Aquino nga maabtikong partner alang sa proyekto ug gilauman niini nga sa mosunod nga tuig madugangan pa kini. Buot ni Usec Densing nga mawala na ang make-shift nga gitudluan sa temporary learning spaces ug mabalhin na sa tinuod nga classroom. Kauban sa pagbisita sila Schools Division Superintendent Minerva Albis, Regional Director Gemma Ledesma, ARD Pedro Escobarte ug uban pang personalidad gikan sa DepEd ug LGU Butuan.