Nagpahigayon sa Outreach Program ang mga miyembro sa Butuan Runners Club sa duha ka tunghaan sa syudad, adlawng Dominggo. Gihatud sa Butuan Runners Club ang mga school supplies alang sa mga estudyante sa Danapa Elementary School sa Sitio Danapa, Barangay Tungao ug Sinaka IPED (Indigenous Peoples Education) Elementary School sa Sitio Sinaka, Barangay Anticala ning syudad. Kahinumdumang nagpahigayon og Butuan Marathon for a cause ang grupo, Agosto sais asa ang proceeds niini padulong sa mga napiling benepisyaryo. Mapasalamaton ang mga miyembro sa BRC sa walay puas nga suporta sa natigayong Butuan Marathon for a cause aron mahatud pa sab nila ang tabang sa labing mga nanginahanglan. Lauman ang mga mosunod pa nga outreach program alang sa mga tunghaan.