Mibisita sa lokal nga panggamhanan sa Butuan ang Local Government Unit sa Aklan, kagahapon. Kini sa pagpanguna ni Provincial Assistant Department Head AAADFTC Director Emmanuel Soviet Russia Dela Cruz uban sa iyang team. Giabi-abi kini ni City Executive Management Department Head Atty. Noel Ephraim Antigua, City Agriculture and Veterinary Head Engr. Pierre Anthony Joven ug Engr. Jake Bonn Dumpasan nga nagpresentar sa plan ug future development sa Butuan City. Tumong sa pagbisita sa LGU Aklan sa syudad mao ang pagsayud sa mga gipatumang best practices labi na ang mahitungod sa Agricultural Programs asa usa niini ang Agriboost Project. Gibisitahan sab sa mga opisyales sa Aklan ang Agrihub Facility sa may Van Terminal Langihan area aron sayron niini ang operasyon ug proseso sa dagan sa proyekto asa unang nakabenipisyo ang mga mag-uuma ug vendors sa dakbayan sa Butuan. Buot sa mga opisyales nga madala sa Aklan ang nakat-unan sa pagbisita sa Butuan City aron ma-angkon niini ang malungtarong agrikultura. Kauban sab sa pag abi-abi sa mga bisita ang Little Mayor nga si Simonne Alexandra Paeste ug Little Executive Management Head kini pinasubay sa selebrasyon sa National Children’s Month 2024.