Gilusad sa Department of Health kon DOH, Department of Education kon DepEd, ug sa City Government of Butuan pinaagi sa City Health Department, ang Bakuna Eskwela Program sa mga nagkadaiyang eskwelahan sa syudad, miaging Lunes. Ang Bakuna Eskwela Program nagtanyag og Measles-Rubella and Tetanus-Diphtheria (MRTD) vaccines sa mga Grade 1 ug Grade 7 students samtang ginahatag sab sa Grade 4 female students ang Human Papillomavirus (HPV). Gihimu ang inisyatibo aron sa pag ubos sa risgo sa vaccine-preventable diseases ug pag siguro sa healthy learning environment sa mga estudyante. Gi target sa programa ang pagpakusog sa kahibalo ug adbokasiya para sa vaccination ngadto na sa mga kabataan nga nag target og specific age groups aron malikayan ang mga sakit. Esensyal ang kolaborasyon sa Health Sector ug Education Sector aron mapa abot nga ang Bakuna Eskwela mahinungdanon sa mga estudyante tungod mag resulta kini sa luwas ug himsog nga school setting. Hugot ang suporta sa Department of Health - Caraga sa pagpanguna ni Regional Director, Dr. Cesar Cassion kauban ang LGU-Butuan sa pagpanguna ni Butuan City Mayor Ronnie Vicente Lagnada pinaagi sa City Health Department sa pagpanguna ni Dr. Hendry Plaza sa active involvement sa programa.