Nagpahigayon og price monitoring ang Department of Trade and Industry - Agusan Del Norte kauban ang City Trade Industry, Investment and Promotion Office kun CTIIPO adlawng lunes. Ang mga gisusi nga mga establisamento nakitang misunod sa suggested retail price kun SRP. Apan dunay concern ang DTI ug CTIIPO mahitungod sa price tagging tungod dili updated ang naka paskil nga mga presyo. Ang price monitoring usa ka inisyatibo sa DTI katambayayong ang CTIIPO para mabantayan ang mga establisamento o kaha mga mamaligyaay sa saktong presyohan sa mga produkto. Matag adlawng Lunes gipahigayon ang price monitoring sa mga establisamento.