Nangunay ang Local Price Coordinating Council kun LPCC og monitor sa mga presyo sa mga produkto, tambal, ug bugas sa Barangay Libertad ning syudad kagainang buntag. Nakita sa LPCC nga dunay mga establisamento nga wala misunod sa saktong Suggested Retail Price kun SRP sa mga produkto ug sayop nga price tag nga nakapaskil. Gawas niini, gisusi sab nila ang presyo sa bugas subay na sa gipagawas nga Executive Order No. 39 ni President Ferdinand "Bongbong" Marcos Jr., niadtong Agosto 31, 2023. Gilangkuban ang LPCC ni Konsehal Joseph Omar Andaya isip Committee Chair on Trade and Industry kauban ang Department of Trade and Industry - Agusan Del Norte, Department of Agriculture - Caraga, Department of Health - Caraga, Department of Environment and Natural Resources - Caraga, National Food Authority - Caraga, Department of Transportation - Caraga, National Economic and Development Authority - Caraga, City Prosecutor, Office of the Economic and Enterprise, City Agriculture, Land Traffic and Transportation Office, City Health Office, City Environment and Natural Resources Office, City Treasurer's Office, Butuan-Agusan Chamber of Commerce Foundation, Inc., ug uban pa.