Gipailawom sa Mental Health Advocacy ang pipila ka mga empleyado sa lokal nga panggamhanan sa Butuan sa Conference Room 2, City Hall Building, ning syudad, miaging semana. Gipangunahan sa City Health Department kon CHD ang gipahigayong Mental Health Advocacy. Nahimong Guest Speaker si Dianne Congreso-Zerda nga usa ka Psychologist-Psychometrician. Gihisgutan sa kalihukan ang Stress Management ug ang Mental Health in Workplace. Mapasalamaton ang mga empleyado tungod dako kining tabang sa pag balanse sa ilang trabaho ug personal nga kinabuhi nga dili maapektohan ang ilang mental health. Buot ipaabot sa CHD sa pagpanguna ni Dr. Hendry Plaza, Hepe sa Departamento nga mahinungdanon ang pag protekta ug pag promote sa mental health sa trabahoan tungod mapalig-on niii ang kapasidad sa usa ka empleyado. Ang pag rekognisa sa kondisyon sa mental health sa mga empleyado sa LGU-Butuan ang usa sa prayoridad sa City Government Unit basi na sa mandato ni Butuan City Mayor Ronnie Vicente Lagnada.