Nakabenepisyo sa TUPAD Program ang pipila ka mga Butuanon sa syudad sa gipahigayong payout sa TUPAD Program sa pagpanguna sa Congressman's Office pinaagi ni Congressman Jose Aquino II ug Department of Labor and Employment DOLE Caraga sa Barangay Limaha Covered Court miaging semana. Niabot sa kapin 600 ka Butuanon nga gikan sa lain-laing barangay sa syudad ang nakadawat og tag 5,250 pesos. Kini human nagtrabaho sa barangay sulod sa kinse ka adlaw. Gihingusgan ni Congressman Aquino nga makebenipisyo ang mga Butuanon sa nasangpit nga programa ilabina ang mga nawad-an sa panginabuhian, senior citizens ug person with disabilities aron hinay-hinay kining makabangon sa kalisod ug makasugod sa ginagmay nga negosyo.