π£ππ£πππ ππ π ππ πππ₯ππ‘πππ¬ π¦π π¦π¬π¨πππ, π‘ππ£ππππ‘π π π’π¦π§ πππππ-ππ₯πππ‘πππ¬ πππ₯ππ‘πππ¬
December 02 2024, Monday 09:44 AM
Gipasidunggan ang mga barangay sa syudad nga napiling Most Child-Friendly Barangay atol na sa natigayong State of the Children Report F.Y 2023, sa may Balanghai Hotel and Convention, ning syudad, adlawng Martes.
Nakuha sa Barangay Baan Km. 3 ang Top 1 sa Most Child-Friendly Barangay. Gihatag kanila ang Plaque of Commendation ug 100,000 pesos nga cash prize. Gisundan sa Top 2 nga Barangay Doongan nga nakadawat og Plaque of Commendation ug 75,000 pesos ug sa Top 3 nga mao ang Barangay Tiniwisan nga gidawat sab ang Plaque of Commendation ug 50,000 pesos.
Nakakuha sab ang Top 4 hangtud Top 10 Most Child-Friendly Barangay og Plaque of Commendation nga gilangkuban sa Barangay Bobon, Golden Ribbon, Taguibo, Pigdaulan, Bayanihan, Mahay, ug Aupugan.
Gilantaw sa mga barangay nga miapil ang mga programa, serbisyo, inisyatibo, ug proyekto para na sa mga kabataan sa ilang komunidad hilabi na sa kalambigitan sa panglawas, nutrisyon, edukasyon, espesyal nga proteksyon ug partisipasyon.
Gikalipay ug garbo sa Barangay Baan Km. 3 ang ilang mga lakang batok na sa hisgutanan sa sektor sa kabataan.
βThis achievement is not just a triumph for our Barangay but a testament to the collective efforts of our community in creating a safe, nurturing, and empowering environment for our children. In Barangay Baan Km. 3, we uphold the rights of children, particularly in survival, protection, participation, and development rights. All anchored to effective and inclusive governance through our Barangay Council for the Protection of Children or BCPCβ Tipik sa mensahe nga gipaabot ni Barangay Captain Gemma P. Tabada, Barangay Baan Km. 3.
Padayon ang suporta sa LGU-Butuan sa pagpanguna ni Mayor Ronnie Vicente Lagnada sa mga nagkadaiyang Barangay ngadto na sa mga kabataan sa ilang barangay.
NEWS ARTICLES