Malampusong napahigayon ang pinirmahay sa Memorandum of Understanding kun MOU tali na sa Department of Human Settlements and Urban Development kun DHSUD ug lokal nga panggamhanan sa Butuan kabahinsa housing projects sa Butuan City o Pambansang Pabahay Para sa Pilipino 4PH Program. Ang DHSUD gipangunahan nila DHSUD RD-13 Cristie Reyes, Usec Engr. Wilfredo Mallari ug DHSUD Sec Jose Rizalino Acuzar samtang ang lokal nga panggamhanan sa Butuan pinaagi ni Mayor Ronnie Vicente Lagnada uban ni City Councilor Reynante Desiata. Ang Pambansang Pabahay para sa Pilipino 4PH Program usa ka government housing project pinaagi sa DHSUD nga nagtinguhang makaserbisyo sa kinahanglang housing sa Pilipinas asa gilaumang muabot sa six million ka pamilya sa tuig 2028 ang maserbisyuhan. Hinungdan hugot ang partnership sa city government sa Butuan pinaagi ni Mayor Lagnada nga mag allocate og luna sa DHSUD alang sa development ug housing projects asa makabenipisyo ang mga Butuanon. Ang DHSUD usa sa primary national government entity nga responsable alang sa pagdumala, palisiya, regulasyon ug programa nga dunay koordinasyon sa housing, human settlement ug urban development concerns. Tinguha sa pinirmahay sa MOU ang pag-ila sa tukma ug luwas nga area sa luna alang sa programang pabahay, pagcomply sa mga technical, financial ug documentary nga mga rekisitos nga kinahanglan sa programa, pagtinabangay sa mga permits ug licenses gikan sa local authorities alang sa implemenstasyon sa programa ug socio-economic profiling sa mga benificiaries. Ang pagpirma ni Mayor Lagnada sa MOU natigayon didto sa Auditorium 7th floor DHSUD Building, Kalayaan Avenue corner Mayaman Street, Quezon City. Kini pinasubay sa giaprobahang SP resolusyon no.249-2023 sa Sangguniang Panlungsod members sa pagpanguna ni Vice Mayor Lawrence Fortun asa gipangamahanan nila Konsehal Rey Desiata, Ehrnest John Sanchez, Cherry May Busa, Cromwell Nortega, Joh Gil Unay ug Vincent Rizal Rosario.