Dul-an kinyentos ka sako sa Valueless Records sa City Government sa Butuan ang na dispose kagahapong adlawa sa Tennis Court, Motorpool Area, Barangay Doongan ning syudad. Nikabat sa 13,785 ka kilo sa valueless records kun mga papel nga nilapas na sa retention period sa gobyerno ang na dispose pinaagi sa pagbaligya niini ngadto sa official contract buyer sa National Archives of the Philippines ang D’ Lacoste Enterprise. Ang mga papel sa City Government gikan pa sa tuig 1975 hangtud tuig 2020. Ang disposal sa valueless records legal nga mandato sa Republic Act 9470 subay usab sa Records Management Improvement Committee (RMIC) nga gipangunahan ni Butuan City Mayor Ronnie Vicente Lagnada pinaagi sa Executive Order 042 Series of 2021. Ang pagpatuman sa disposal sa valueless records subay sa RA 9470 nga niagi sa striktong pagsusi ug proseso nga gi sugdan sa pag patuman sa Records Inventory Tool sugod Hunyo tuig 2021. Ang kalihukan pinaagi sa pagpanguna sa City General Services Department kauban ang National Archives of the Philippines ug ang Commission on Audit.