Nagamit na sa mga residente sa Barangay Pianing ning syudad ang Pianing Bridge. Kahinumdumang nadaot ang nasangpit nga tulay gumikan sa paghapak sa Super Typhoon Odette tulo ka tuig kapin na ang milabay. Kini nga tulay ang nagkonekta sa Butuan City Agusan del Norte-Barangay Pianing padulong Tandag Road rason nga gihingusgan sa lokal nga panggamhanan sa Butuan pinaagi ni Mayor Ronnie Vicente Lagnada ang maayong relasyon ug partnership sa regional line agencies aron paspas ang pagpatuman sa mga proyekto nga gikinahanglan ang suporta ug pondo sa national government alang sa mga Butuanon. Ang Pianing Bridge Project gipatuman sa Department of Public Works and Highways-Butuan City District Engineering Office DPWH-BCDEO.