Nahimong malampuson ang gipahigayon nga Philippine Football Federation Regional Festival of Football sa Polysports Complex, Barangay Tiniwisan ning syudad miaging weekend nga gipangunahan sa Butuan-Agusan Norte Football Association kun BANFA. Gikan pa sa managlahing syudad o probinsya sa Mindanao ang nisalmot sa aktibidad nga gilangkuban sa Bukidnon, Cagayan De Oro, Butuan City, Surigao Norte-Dinagat Island, Agusan Del Sur-Surigao Del Sur. Dunay duha ka kategorya ang aktibidad: Boys Category nga nag edad 12, 13, 14, ug 15, ug Girls Category nga nag edad 13, 14, 15, ug 16. Gikalipay sa Lokal nga Panggamhanan sa Butuan ang natigayong dula tungod mao kini ang ikaduhang higayon nga napili ang syudad nga venue sa Philippine Football Federation kun PFF asa una niini ang PFF U19 Boys Group Stage Eliminations ug PFF Regional Festival of Football.