"Be true to yourself, be the best person, authentic and inspiring version of yourself" Mao kini ang tambag ni Marites Guingona sa mga aspiring beauty queen labi na sa Mutya hong Butuan 2023. Si Marites Guingona Africa mao ang pinakaunang Mutya Hong Butuan nga na koronahan niadtong tuig 1973. 15-anyos pa lamang siya kaniadto ug nag eskwela pa sa Cebu dihang gi-awhag siya saiyang inahan sa pag-apil sa Mutya hong Butuan. Dili sya mahilig og beauty contest maong wala sya'y ideya kung unsaon kini, nga nahimong hagit kaniya uban ang kaulaw nga gibati. Go with the flow lang sya, gihimo ang angay buhaton, ug walay paghunahuna kung makadaog o dili. Isip usa ka 15 anyos nga dalaga ang best moments nga iyang nadumduman pag-apil sa Mutya Hong Butuan mao ang pag sout niya og pinakaunang long gown. Dako iyang kalipay dihang na koronahan siya isip pinakaunang Mutya Hong Butuan ug gipahinungod niya kini sa iyang inahan nga maoy nag-awhag ka niya sa pag-apil.