Duha ka dekada nga panerbisyo ug padayon nga nag alagad sa katawhan sa ilang barangay si 𝗦𝗼𝗹𝗲𝗱𝗮𝗱 𝗚𝗮𝗿𝗰𝗶𝗮 isip 𝗕𝗮𝗿𝗮𝗻𝗴𝗮𝘆 𝗡𝘂𝘁𝗿𝗶𝘁𝗶𝗼𝗻 𝗦𝗰𝗵𝗼𝗹𝗮𝗿 kon BNS sa Barangay Baan Km-3, ning syudad. Nisulod siya sa iyang trabaho tuig 2002 diin nakita niya ang kakulangon sa programa sa insaktong nutrisyon para sa mga kabataan. Miagi man sa mga pagsulay tungod sa nagkataas sa kaso sa malnutrisyon apan nagpakalig-on kini aron mobarog sa iyang trabahop sa paghatag og tukmang edukasyon kalabot sa insaktong nutrisyon sa katawhan. Pinaagi sa pag apil sa mga seminars, training, workshops nakuha niya ang mga ideya unsa ang mga programa ug serbisyo nga buhaton sa ilang barangay aron masugpo ang malnutrisyon sa lugar. Sa padayon nga mga programa ug serbisyo ug padayon nga mga accomplishment, miubos ang kaso sa malnutrisyon sa barangay. Malipayon ang iyang dughan nga makita ang mga bata nga iyang natabangan. Tungod sa iyang mga paningkamot, Gi ila nga City Outstanding Barangay Nutrition Scholar ug Regional Outstanding Barangay Nutrition Scholar sa daghan nga mga higayon. Ubay-ubay na nga pag-ila ang iyang nakuha tungod sa iyang dedikasyon sa iyang trabaho. Nakab-ot niya ang mga pag-ila tungod sa hingpit nga tabang sa konseho sa ilang barangay nga andam mutabang sa mga proyekto nga iyang ihanyag para sa kalamboan sa tanan. Bisan pa sa kakapoy padayon ang iyang pag panerbisyo tungod kalipay niya nga makuha sa tanang kabataan ang insaktong nutrisyon ug ang pagka wala sa malnutrisyon sa barangay.