Gipahigayon ang pay out alang sa 3rd Batch Tupad Beneficiaries sa Philippine Science High School, miaging adlaw. Niabot sa 1,162 ka mga indibidwal sa syudad ang nakadawat sa tag 3,500 pesos gikan sa TUPAD Program sa Department of Labor and Employment kon DOLE. 510 ka mga benepisyaryo ang nakadawat sa batch 1 ug anaa sa 850 ka mga benepisyaryo ang nakadawat sa Batch 2 sa nasangpit nga programa. Ang tanan benepisyaryo nag render og kinse ka adlaw nga serbisyo. Mikabat na sa 11.2 Million pesos ang na release sa TUPAD uban sa paningkamut sa opisina ni Congressman Jose “Joboy” Aquino II aron maabagan ang mga indibidwal nga labing nanginahanglan. Gikalipay ni Butuan City Mayor Ronnie Vicente Lagnada ang nasangpit nga programa tungod daku kining tabang sa mga indibidwal nga nanginahanglan og trabaho. Padayon nga makigtambayayong ang Lokal nga Panggamhan sa pagpanguna ni Mayor Lagnada sa mga ahensya aron daling mapaabot sa katawhan ang tabang nga alang kanila.