Misalmot ang Police Regional Office 13 sa pagpanguna ni PBGEN Kirby John Kraft, Regional Director sa PRO13 sa Flag Raising Ceremony ug Simultaneous Nationwide Multi-Sectoral Peace Assembly for Barangay Sangguniang Kabataan Election kun BSKE 2023 nga gipahigayon sa Grandstand Camp Col Rafael C. Rodriguez Barangay Libertad Butuan City kaganinang buntag. Tinguha sa PNP-PRO 13 ang secure, free, accurate ug fair election sa tibook rehiyon sa caraga karong umaabot Oktubre 30, 2023. Subay niini, nahimong Guest of Honor and Speaker si Atty. Francisco Pobe, Regional Election Director sa COMELEC Region XIII ug nagpasalamat sa tibook pwersa sa kapulisan sa paningkamot nga makab-ot ang kahapsay ug malinawong piniliay uban sa mga personahe sa DepEd nga maoy bug-at og responsibilidad sa mamahimong resulta sa election. Hinungdan naglaum ang opisyal nga mas pahugtan ang seguridad panahon sa piniliay aron makasigurong luwas nga makab-ot sa rehiyon ug tibook nasud nga makapili og matinud-anon ug kasaligang opisyales sa barangay ug sangguniang kabataan. Aktibo usab mikomitar ang mga partner agencies nga gilangkuban sa PNP, COMELEC, AFP, City Government sa Butuan, DILG, DepEd, CSOs ug NGOs, DOTr ug DICT nga magtambayayong sa pagkabot sa hapsay nga piniliay pinaagi sa pagsign sa pledge of commitment. Samtang gibuhian usab ang mga white doves nga nagsimbolong mupatigbabaw ang kalinaw ug gugma sa umaabot nga BSKE.