Gihandom sa Lokal nga Panggamhanan sa Butuan ang ika 126th nga Adlaw sa Kagawasan kagahapon sa Guingona Park, ning syudad. Gipahigayon ang simultaneous ringing sa sirens sa City Disaster Risk Reduction Department ug gi-isa ang Bandila sa Pilipinas sa pagpanguna sa PNP ug Knights of Columbus. Gipahigayon sab ang paghalad og bulak ug ang pagpalupad og kalapati sa pagpanguna sa mga opisyales sa syudad sa Butuan kauban ang mga kadagkuan sa Philippine National Police ug Armed Forces of the Philippines, City Tourism Office, mga Lokal nga opisyales sa Butuan. Gipahigayon sab ang Pledge of Allegiance ug tribute sa mga kanta ug sayaw nga ga re-enact sa Philippine Independence. Ang pagsaulog niini usa ka pahinumdom sa karong panahon kung unsa ang pakigbisog sa mga bayani sa nasud aron makuha ang tinuod nga kagawasan ug paghatag og paglaum sa mga Filipino nga himuong inspirasyon ang kaisog sa mga bayaning Pilipino. Samtang nakapatandog ug nakadasig sa tanang misalmot sa aktibidad sa gipakita nga kaisog ug dedikasyon sa Philippine Army Scout Rangers Team sa panahon sa operasyon pinaagi sa Static ug Kinetic Display ug Military Fair 2024. Gawas sa pagselebrar sa adlaw sa kagawasan, gihingusgan ang panawagan sa maayo nga panerbisyo, kagawasan, ug demokrasiya ang ipatuman sa tibuok syudad aron makab-ot sa mga lumolupyo ang angay nila makuha.