"Ang Butuan mag celebrate o maghatag higayon para ma-inform ang atong katawhan unsay kahimtang ug unsay kaayuhan nga madawat gikan sa pag protektar sa atong watershed.” Kini ang pahayag ni Engr. Albert Arcamo, Department Head sa City Environment and Natural Resources Department sa selebrasyon sa Watershed Consciousness Week nga mag sugod karong Enero 20. Pipila ka mga watershed ang padayon nga ginaprotektahan sa syudad pinaagi sa pag pananom og mga kahoy daplin niini. Apan ang gihatagan og sentro sa selebrasyon mao ang pag protekta sa Taguibo Watershed nga maoy tinubdan sa potable water sa tibouk syudad. Daghan nga mga aktibidad ilang gi-andam katambayayong ang managlahing government agency ug private sectors aron mahiusa sa pag protekta sa watershed. Ang pagsaulog sa Watershed Consciousness Week subay sa Watershed Code of Butuan City sa katuyoan nga mapasayod ang katawhan sa syudad sa Butuan sa dili pag pamutol og kahoy ug paghugaw-hugaw sa mga watershed sa syudad labi pa ang Taguibo Watershed tungod kini ang nag hatag og kinabuhi sa katawhan. Gipangunahan ug gipangusgan sa City Environment and Natural Resources Department kun CENRD ang aktibidad.