Gitapos niadtong Sabado, Agosto 19 ang PFF Boys U19 Division National Championship Group Stage Elimination didto sa Polysports Complex, Barangay Tiniwisan ning syudad. Nanguna sa aktibidad ang Butuan-Agusan Norte Football Association kun BANFA pinaagi mismo kang City Vice Mayor Lawrence Lemuel Fortun isip BANFA President. Upat ka football association ang nipartisipar nga gilangkuban sa Butuan-Agusan Norte Football Association, Bukidnon Football Association, Surigao Norte and Dinagat Islands Regional Football Association, ug Agusan del Sur-Surigao del Sur Regional Football Association. Miduyog ang mga pamilya sa mga bata nga apil sa kompetisyon lakip na ang mga football enthusiast nga nakig cheer sab sa mga bata. Anaa sab ang presensya ni Konsehal Cherry May Busa nga misuporta sa team BANFA para madasig ang mga bata. Gisiguro nga luwas ang mga bata atol sa kompetisyon pinaagi sa medical team sa City Disaster Risk Reduction and Management Office kun CDRRMO. Ang PFF Boys U19 Division National Championship Group Stage Elimination unang higayon nga gipahigayon sa Butuan City.