Gipangandaman na ang pag digitalize sa mga pirma sa lokal nga panggamhanan sa Butuan. Gani, nipailawom sa duha ka adlaw nga pagbansay sa Philippine National Public Key Infrastructure kun PNPKI ang mga Department Heads ug Division Chiefs sa VCDU Villa Kanangga ning syudad, April 18-19. Tumong sa aktibidad nga ma-andam na ang mga department heads ug division heads sa pag digitalize sa ilang pirma aron mas paspas na ang pag proseso sa mga papeles sa Lokal nga Panggamhanan sa Butuan. Gipangunahan ang nasangpit nga training sa City Information Communication Technology Office kun CICTO kaabag ang Department of Information and Communications Technology nga maoy point person sa pag cascade sa digital signature. Gi-introduce sa Department Heads ug Division Chiefs ang PNPKI nga usa ka koleksyon sa technology, software, policies, personnel, ug procedures para sa pag create, manage, distribute, use, store ug revoking sa digital certficate. Kahinumduman nga nag una ang buhatan sa Business Permits and Licensing Office sa pagpatuman sa digitalized signature sa ilang business permits. Daku kini og impact tungod mas dali ng makuha sa mga nanag-iya og patigayon ang mga business permits keysa kaniadto nga muabot og tulo o lima ka adlaw.