Nagpahigayon sa pinakaunang Committee Hearing ang Committee on Education, Culture, Arts and Heritage sa SP Session Hall. Nahisgutan ang pagbuhat og Memorandum of Agreement kun MOA tali sa Caraga State University para sa ilang On the Job Training nga mga estudyante partikular sa Bachelor of Science in Agricultural and Biosystem Engineering ug sa Lokal nga Panggamhanan sa Butuan pinaagi sa City Agriculture Office. Nadesisyunan atol sa committee hearing nga ipasa na ang proposed resolution sa en banc alang sa dugang diskusyon ug approval niini. Pinaagi niini mapangusgan ang pagtambayayong tali sa CSU ug LGU-Butuan nga gilauman nga mahasa ang mga estudyante pinaagi sa City Agriculture Office lakip nga duna sab mahatag nga mga nindot nga input ang mga estudyante sa naasoy nga buhatan. Ang nasangpit nga committee hearing gipangunahan ni Konsehal Joseph Omar Andaya, Committee chairman kauban sila Konsehal Cherry May Busa ug Konsehal Vincent Rizal Rosario.