𝗣𝗔𝗚 𝗔𝗕𝗟𝗜 𝗦𝗔 𝗗𝗔𝗚𝗛𝗔𝗡𝗚 𝗢𝗣𝗢𝗥𝗧𝗨𝗡𝗜𝗗𝗔𝗗 𝗔𝗟𝗔𝗡𝗚 𝗦𝗔 𝗠𝗚𝗔 𝗕𝗨𝗧𝗨𝗔𝗡𝗢𝗡 𝗚𝗜𝗟𝗔𝗨𝗠𝗔𝗡
February 04 2025, Tuesday 08:59 AM
Daghang mga oportunidad alang sa mga Butuanon ang naghulat sa natigayong Unveiling of Marker ug blessing sa Automotive Building sa Technical Education and Skills Development Authority- Regional Training Assessment Center TESDA-RTAC nga nahimutang sa Barangay Pigdaulan syudad sa Butuan.
Mismong si TESDA Director General Secretary Jose Francisco "Kiko" B. Benitez ug Congressman Jose Aquino ll uban ni Mayor Ronnie Vicente Lagnada ang nanguna sa programa.
Nahimong posible ang pagbaton sa TESDA-RTAC sa Butuan City sa tinguhang makabaton og sustainable livelihood ang mga Caraganon ilabina ang mga Butuanon.
Ang proyekto suportado ni City Councilor Rey Desiata, Committee Chairperson sa Urban Planning ug Human Settlements ug tibook pwersa sa SP members pinaagi ni Vice Mayor Law Fortun asa gi-aprobahan ang SP resolution aron ma-establesar ang TESDA RTAC sa Butuan City.
Atol sab sa unveiling sa TESDA marker ug blessing ceremony sa Automotive Building misaksi niini ang mga opisyales sa Barangay Pigdaulan sa pagpanguna ni Punong Barangay Dindo Hidalgo.
NEWS ARTICLES