Nakigpulong si Congressman Jose Aquino II kang SEC Chairman Atty. Emilio Benito Aquino aron hisgutan ang planong pagtukod sa Securities and Exchange Commission kun SEC Regional Office sa Butuan City. Nakita sa opisyal ang dakung benipisyo sa pagtukod sa nasangpit nga ahensya sa syudad gumikan usa kini sa makatabang sa katawhan alang sa buy and sell securities ug pag-ila sa patas nga presyo sa merkado basi sa supply ug demand. Gawas niini, ang maong ahensya mao ang magdumala sa corporate sector, capital market participants, securities ug investment instrument market ug magsilbing protection sa investing public. Samtang wala usab gipalabay ni Congressman Aquino ang prebilihiyo sa pakigpulong kang House Committee on Banks ug Financial Intermediaries Chairman Representative Irwin Tieng alang sa posibleng mga benipisyong makuha sa syudad sa Butuan ug munisipyo sa Las Nieves ilabina sa hisgutanang pinansyal.