Hugtanung mi-apila si Congressman Jose Aquino ll kang DFA Secretary Enrique Manalo sa pagtukod og Apostille Receiving Center o palapdan ang Apostille Service sa Consular Office sa syudad sa Butuan City. Kini atol sa natigayong Budget Deliberation sa Department of Foreign Affairs kagahapon. Kini aron dili na mobyahe sa Cagayan de Oro City o Davao City ang mga Butuanong negosyante ug regional line agencies aron mokuha sa apostille service. Isip sentro sa Caraga region ang Butuan, gipahayag ni Congressman Aquino nga angayan lamang ang pagbaton sa syudad sa nasangpit nga buhatan sa ingon mas sayun ug duol na sa tanan ang kinahanglang serbisyo. Tungod niini, mipasalig si Assistant Secretary Adelio Angelito Cruz sa DFA Office of Consular Affairs nga bisitahon ang Consular Office sa Butuan City aron pag establisar sa Apostile Service Center.