Gipahigayon ang usa ka coordination meeting sa Butuan City Council for the Protection of Children kon BCCPC ug Local Committee on Anti-Trafficking and Violence Against Women and Children kon LCAT-VAWC nga gitambungan sa mga nagkadaiyang miyembro gikan sa mga opisina sa LGU-Butuan ug mga ahensya sa gobyerno, sa may Director's Office, Butuan Medical Center (BMC), adlawng Lunes. Tumong sa nasangpit nga panagtigum ang pag address sa mga nagkadaiyang critical issues mahitungod na sa proteksyon sa mga kabataan ug mga istratehiya sa trafficking ug violence against women and children sa atong komunidad. Usa-usa nga gi presenta sa mga member agencies ang ilang mga accomplishments ug gipakita sab sa City Social Welfare and Development Department ang resulta sa LCAT-VAWC Functionality. Nakita nga nitaas ang rating sa functionality result sa Local Committee Against Trafficking - Violence Against Women and their Children (LCAT-VAWC). Mipasalig usab ang CSWDD kauban ang konseho nga mas mapataas pa ang makuha nga rating sa umaabot nga tuig. Labing gikalipay ni City Councilor Cherry May Busa, Committee Chairperson sa Family, Women, ug Childrens Welfare, ang mga naabot nga ratings karon apan hugtanon niyang giawhag ang mga miyembro sa komitiba sa kanunay nga pag suporta pinaagi sa pag human sa mga accomplishments. Paningkamotan sa CSWDD kauban ang tanang ahensya sa konseho aron nga mapa usbaw ang tanang istratehiya nga buhaton aron padayon nga maabot ang mga kabataan ug kababayen-an nga nanginahanglan og tabang ug proteksyon labi na sa hisgutanan sa trafficking ug violence.