Gi-obserbar miaging Huwebes ang World TB Day asa gitutukan sa Department of Health Center for Health - Caraga ang pag kunhod sa kaso sa Tuberculosis sa rehiyon sa Caraga. Ang kalihukan adunay tema nga, “Tara’t Magbayanihan, TB ay Tuldokan,”. Ang pagpahigayon sa sama niini nga aktibidad maghatag og taas nga tsansa sa public awareness ug pagsabot sa sakit nga tubeculosis. Sobra libo ang natala nga kaso sa TB sa rehiyon miaging tuig ug niabot sa 93% ang success rates sa treatment niini nga dakung gikalipay sa DOH-Caraga. Mas gipaduol sa DOH-Caraga ang paghatud sa TB Services sa mga lugar sa rehiyon lakip na sa syudad sa Butuan. Ang mga Rural Health Unit kon RHU makahimo na nga mo test ug mag tambal sa mga pasyente. Para sa halapad nga testing adunay mga personahe sa DOH-Caraga ang mobisita sa mga lagyong lugar aron magkuha og mga specimen ngadto na sa mga indibidwal nga nakitaan og sintomas sa Tuberculosis. Magpadayon ang Lokal nga Panggamhanan sa pagpanguna ni Butuan City Mayor Ronnie Vicente Lagnada sa pakigtambayayong sa mga ahensya aron sa pagtinabangay nga mabatukan ug makunhoran ang kaso sa Tuberculosis sa rehiyon.