Nagpadayon ang pagpanangtang ug pagbalhin sa mga poste sa elektrisidad nga naapektuhan sa gipatumang road widening sa syudad sa Butuan. Kini nahimutang sa Capitol Road padulong Barangay Bonbon Bridge ug Barangay Bonbon road padulong Crossing sa Diversion road. Niabot na sa 56 ka poste ang natangtang nga gipangunahan sa Office of the City Building Official kun OCBO uban sa mga telecommunication companies ug ANECO. Gihangyo usab ang pagsabot sa tanan tungod sa gipatumang power interruption alang sa seguridad sa mga lineman nga kamulo sa pagtanggal sa mga wires ug poste. Nakatakda nga ipadayon kini sunod semana alang sa mas luwas ug limpyo nga kadalanan sa kabarangayan sa syudad sa Butuan.