Nagpadayon ang operasyon sa Office of the City Building Official kun OCBO sa pagpanangtang sa delapidated nga poste ug wires o copper cable nga wala na gigamit sa syudad sa Butuan. Kini subay sa direktiba ni Mayor Ronnie Vicente Lagnada aron hinay-hinay nang malimpyo ang mga kadalanan ug mahilayo sa aksidente ang katawhan. Natanggal na ning bag o ang mga poste ug wires sa may Durano St. ug R. Calo St. ning syudad. Adlaw ug gabie, ulan o init ang trabaho aron mas paspas maresolba ang problema. Katambayayung sa OCBO ang ANECO ug mga personahe gikan sa mga partners nga telecommunication companies. Gihangyo usab sa OCBO ang pagsabot sa tanan nga naapektuhan sa power interruption samtang kamulo ang trabaho alang sa seguridad sa mga linemen. Nakatakda na usab ang ubang barangay sa nasangpit nga operasyon sa OCBO.