Gipadayon sa Office of the City Building Official kun OCBO ang pagtangtang sa mga poste ug wires nga wala na gigamit ug nakaharang sa mga dalan sa syudad. Kauban ang ANECO, PLDT, Crisbel, Fiberhome ug Markstel malampusong napahigayon sa OCBO ang pagtangtang sa mga poste ug wires lakip pagbalhin sa mga poste nga nakababag sa mga kadalanan tungod posible kining makamugna og aksidente sa mga motorista. Mapasalamaton ang OCBO sa tanan nga padayong mihatag sa tabang aron hinay-hinay nga malimpyo ang kadalanan sa syudad bisan paman sa nasinating kainit sa panahon. Gihangyo usab ang pagsabot sa mga naapektuhan sa power interruption panahon sa pagpanangtang sa wires ug poste tungod gipalong ang tanang linya kung asa ang operasyon alang sa seguridad sa mga linemen. Gipaningkamutan sa lokal nga panggamhanan sa Butuan pinaagi sa OCBO subay sa direktiba ni Mayor Ronnie Vicente Lagnada nga matangtang na ang mga wires ug poste nga nakahugaw sa kadalanan alang sa seguridad sa tanan ug makab-ot ang tinguhang smart city nga Butuan.