Nagpadayon ang pagtangtang sa mga dilapidated nga poste sa pipila ka mga kadalanan sa syudad sa Butuan ug ang pagtangtang usab sa mga wires nga walay gamit sa pagpanguna sa lokal nga panggamhanan sa Butuan pinaagi sa Office of the Building Official kun OCBO sa tabang mismo sa mga personahe sa ANECO, Marstel, PLDT, ug Globe. Nagpasalamat ang OCBO sa tanang partners ug stakeholders aron hinay-hinay nang malimpyo ang kadalanan sa syudad alang sa pagpangandam sa tinguha ni Mayor Ronnie Vicente Lagnada nga mahimong smart-eco city ang Butuan.