Nisalmot ang 40 ka mga Barangay Captains sa syudad sa gipahigayon nga consultative meeting kalabot sa Solid Waste Management in Butuan City, miaging semana. Nagpagawas og mulo ang mga barangay kapitan tungod sumala nila dili kuhaon sa City Environment and Natural Resources kun City ENRO ang mga basura nga anaa sa Material Recovery Facility kun MRF. Gidungog ug giklaro ni City ENRO Chief For. Alexander Alaan nga ang dili kuhaon nga mga basura mao ang Biogdegradable ug Recyclable Waste ug ang uban kuhaon na sa ilang collector basta naka properly segregate kini. Hingpit sab gipahinumduman ni For. Alaan ang mga barangay nga kung ipick up nila tanan basura daling mapuno ang dump site nga nahimutang sa Barangay Dumalagan. Human sa taas nga diskusyon na desisyunan nga magbuhat og Technical Working Group kun TWG aron makamugna og short term ug long term plan sa basura sa syudad ug mag buhat og solusyon nga pwede sa tanang Barangay. Ang Consultative Meeting gipangunahan ni Liga nga mga Barangay President Kapitan Gemma Tabada kauban si Konsehal Victor Plaza, Committee Chair sa Environment and Natural Resources.