Aktibong gisalmutan sa mga nagkadaiyang barangay sa syudad ang selebrasyon sa 49th Nutrition Month subay sa temang “Healthy Diet gawing affordable for all!”, adlawng Lunes. Gisugdan ang programa pinaagi sa usa ka Fun Walk gikan sa Agusan del Norte Provincial Capitol padulong sa City Hall Complex. Tumong sa kasaulogan nga mahatagan og atensyon ang pagsugpo sa malnutrisyon labi na sa mga kabataan sa matag barangay sa syudad. Gisaulog sa tibuok bulan sa Hulyo ang Nutrition Month apan buot ipaabot sa City Health Office pinaagi sa City Nutrition Division nga daku ang papel sa mga barangay aron makunhoran ang malnutrisyon pinaagi sa matag bulan nga aktibidades kalabot na sa hisgutanan sa nutrisyon ug dili lamang buhaton matag Hulyo. Mipasalig ang mga nangulo sa mga barangay nga kanunay ang ilang programa ug serbisyo nga ihatag mahitungod na sa pagbantay sa ihap sa malnutrisyon sa matag Barangay. Buot ipaabot ni Butuan City Mayor Ronnie Vicente Lagnada nga halapad ang pagabuhaton nga mga proyekto nga makuha sa mga residente sa syudad.