Gisugdan na ang konstruksyon sa proyektong pagsemento sa dalan sa Purok 3A hangtud Purok 7 sa Barangay Tiniwisan lahos sa Butuan Medical Center ning syudad. Mapasalamaton si Barangay Tiniwisan Punong Barangay Alma Tagalog kang Congressman Jose Aquino II ug sa tanang opisyales sa syudad sa pagpanguna ni Mayor Ronnie Vicente Lagnada sa paningkamot nga makakuha og pondo sa nasyunal aron mahatagan og katumanan ang dugay nang gipangandoy sa mga residente nga makabaton og nindot ug sementadong dalan. Ang proyekto gipatuman sa Department of Public Works and Highways-Butuan City District Engineering Office kun DPWH-BCDEO. Samtang gisugdan na usab ang konstruksyon sa logistical highway gikan Butuan Medical Center padulong sa Barangay Cabcabon Section sa paningkamot ni Mayor Lagnada alang sa mas paspas nga byahe sa mga produkto pinaagi sa pagpatuman sa DPWH.