Dire-diretso na ang pagbyahe sa mga agrikulturang produkto ug pagsulod sa mga investors sa mga Rural Barangays sa Butuan City. Kini human gipatuman ni Mayor Ronnie Vicente Lagnada ang pagpa-uswag sa imprastraktura sa kabarangayan pinaagi sa proyektong Improvement of Various Rural Roads asa gitahasan niini ang City Engineering Department CED sa city government sa Butuan. Basi sa datus sa CED hingpit ng nakumpleto ang konstruksyon nga pagkonkreto sa kadalanan sa kabarangayan sa rural areas nga gilangkuban sa Barangay Basag, Camayahan, Pigdaulan, Tagabaca, Sumile, Mandamo, Maibu, Bilay, Tagabaca, Aupagan, Libertad (Malalag section), Kinamlutan, San Vicente (Sitio Mandacpan), Los Angeles, Baoboan, M.J. Santos, Florida, Tungao, Maug, Banza, Tiniwisan, Aupagan, Salvacion, Doongan, Bading ug Agusan Pequeno. Unang gipalig-on ni Mayor RCL uban sa tibook pwersa sa LGU Butuan ang pundasyon sa imprastraktura sa dakbayan sa Butuan aron mas dali na sa mga investors ang pagbubo og negosyo alang sa daghang oportunidad sa mga Butuanon.