Gisugdan na ang konstruksyon sa Spillway Bridge Project sa Purok 3 ug Road Concreting Project sa Purok 1-2 sa Barangay Maug ning syudad. Gani, mipaabot sa dakung kalipay ug pasalamat si Barangay Maug Punong Barangay Michael Duro sa kadumalahan ni Congressman Jose Aquino ll, Mayor Ronnie Vicente Lagnada, Vice Mayor Lawrence Fortun ug SP members sa lain na usab nga kabag uhan ug proyekto nga nakaabot sa barangay. Sumala ni Punong Barangay Duro, ang kanhi damgo sa mga residente sa Barangay Maug karon nahatag ug natuman na gumikan sa hiniusang pwersa sa lokal nga panggamhanan sa Butuan. Dugang pa ni PB Duro mamahimong hayahay na ang byahe sa tanang residente sa Maug matag adlaw gumikan sa makanunayong suporta sa kasamtangang administrasyon sa Butuan.